پاکستان کرکٹ بورڈ کے چیئرمین محسن نقوی نے پی ایس ایل کا فائنل دیکھنے کے لیے اسٹیڈیم آنے والے شائقین کرکٹ کا شکریہ ادا کیا۔
محسن نقوی نے کہا کہ فائنل میچ میں شائقین کرکٹ نے کمال نظم و ضبط اور زبردست جوش و خروش کا مظاہرہ کیا۔ شائقین کرکٹ کا قذافی اسٹیڈیم میں جوش و جذبہ دیدنی تھا۔
انہوں نے مزید کہا کہ زندہ دلان لاہور کی کرکٹ سے محبت دیکھ کر بہت متاثر ہوا ہوں۔
چیئرمین پی سی بی نے کہا کہ شائقین کرکٹ نے دونوں ٹیموں کو دل کھول کر داد دی اور کھیل کو بھرپورانجوائے کیا۔
محسن نقوی کا کہنا تھا کہ لاہور کے شہریوں نے ثابت کر دیا کہ وہ کرکٹ کے کھیل سے والہانہ لگاؤ رکھتے ہیں۔
پی این پی