متعدد مسودہ ہائے قوانین چین کی قومی عوامی کانگریس کی قائمہ کمیٹی میں نظرثانی کے لیے پیش

بیجنگ :چین کی 14ویں قومی عوامی کانگریس کی قائمہ کمیٹی کا 24واں اجلاس 25 سے 28 اگست تک بیجنگ میں جاری ہے۔ 25 تاریخ کو، روڈ ٹریفک سیفٹی قانون میں ترمیم کے مسودے اور سرحد پار انسدادِ بدعنوانی کے قانون کے مسودے کو پہلی بار جائزے کے لیے قومی عوامی کانگریس کی قائمہ کمیٹی میں پیش کیا گیا۔ سرحد پار انسدادِ بدعنوانی کے قانون کے مسودے میں سرحد پار بدعنوانی سے نمٹنے کے طریقۂ کار اور متعلقہ ذمہ داریوں کو واضح کرنے کے ساتھ ساتھ کیس ہینڈلنگ اور بین الاقوامی تعاون کو مزید مضبوط بنانے کی تجاویز شامل ہیں۔روڈ ٹریفک سیفٹی قانون میں ترمیم کے مسودے میں خودکار گاڑیوں سے متعلق خصوصی دفعات ” کے نام سے ایک الگ باب شامل کیا گیا ہے، جس کے مطابق، اگر خودکار ڈرائیونگ کا فنکشن فعال ہونے کے دوران کوئی خودکار گاڑی، ٹریفک قوانین کی خلاف ورزی کرتی ہے تو اس خلاف ورزی کی ذمہ داری گاڑی کے مینوفیکچرر یا درآمد کنندہ پر عائد ہوگی۔