قومی کرکٹ ٹیم کے سابق کپتان شاہد آفریدی نے پمز اسپتال میں نومولود بچوں کی اموات کے واقعے پر افسوس کا اظہار کرتے ہوئے حکمرانوں پر سوال اٹھا دیا۔
سوشل میڈیا پر جاری بیان میں شاہد آفریدی نے کہا کہ اسلام آباد کے پمز اسپتال میں 14 بچے جان سے چلے گئے، انکوائری رپورٹ سامنے آچکی ہے، متعلقہ افسران کو معطل کرکے ان کے خلاف فوجداری کارروائی کا حکم بھی دیا گیا ہے لیکن کوئی بھی کارروائی ان معصوم جانوں کو واپس نہیں لاسکتی۔
شاہد آفریدی نے حکمرانوں سے سوال کیا کہ اگر سرکاری اسپتال اور تعلیمی ادارے واقعی اتنے ہی اچھے ہیں تو اقتدار میں بیٹھے لوگ اپنے بچوں کو وہاں کیوں نہیں بھیجتے؟
14 newborns lost their lives at PIMS. The inquiry report is out, officials have been suspended and criminal proceedings ordered. But no action can bring those innocent lives back.
If government hospitals and schools are truly good enough, why don’t those in power send their own… https://t.co/6toa9Xk7nn
— Shahid Afridi (@SAfridiOfficial) August 30, 2026
سابق کپتان کا کہنا تھا کہ ہر پاکستانی صحت اور تعلیم کے یکساں معیار کا حقدار ہے۔
پی این پی