بیجنگ :چین کے نائب وزیر اعظم ڈینگ شیوئے شیانگ نے چین کے نان نینگ شہر میں منعقدہ 23 ویں چین-آسیان ایکسپو میں شرکت کی اور خطاب کیا ۔ ڈینگ شیوئے شیانگ نے کہا کہ چین۔آسیان فری ٹریڈ زون دونوں فریقوں کے ہم نصیب معاشرے کی تعمیر کا اہم ذریعہ ہے۔ نومبر 2021 میں صدر شی جن پھنگ نے چین۔آسیان مذاکراتی تعلقات کے قیام کی 30ویں سالگرہ کے موقع پر چین-آسیان فری ٹریڈ زون 3.0 کی تعمیر جلد شروع کرنے کی تجویز پیش کی تھی، جس سے فری ٹریڈ زون کو اعلیٰ سطح تک ترقی دینے کی سمت واضح ہوئی۔صدر شی جن پھنگ کی رہنمائی اور دونوں فریقوں کی مشترکہ کوششوں سے چین۔آسیان فری ٹریڈ زون مستحکم انداز میں فعال ہے اور اس نے نمایاں نتائج حاصل کیے ہیں، جس سے علاقائی اقتصادی انضمام اور ترقی کو مؤثر فروغ ملا ہے اور خطے کے عوام کو حقیقی فوائد حاصل ہوئے ہیں۔ڈینگ شیوئے شیانگ نے نشاندہی کی کہ چین-آسیان فری ٹریڈ زون 3.0 کے اپ گریڈ پروٹوکول کے نافذ العمل ہونے کے بعد علاقائی اقتصادی ترقی میں مسلسل نئی توانائی پیدا ہوگی۔ انہوں نے اعلیٰ سطح کے چین۔آسیان فری ٹریڈ زون کی تعمیر کے حوالے سے چار تجاویز پیش کیں۔ جن میں ، علاقائی کھلے پن کی سطح میں جامع بہتری لانا، تجارت اور سرمایہ کاری میں تعاون کے معیار اور سطح کو بلند کرنا ، ابھرتے ہوئے شعبوں میں تعاون کو مزید گہرا اور عملی بنانا اور باہمی رابطوں کو مزید آسان اور مؤثر بنانا ، شامل ہیں۔