روسی وزارتِ دفاع نے اعلان کیا کہ روسی پیسیفک فلیٹ نے بحیرۂ جاپان، بحیرۂ اوخوتسک اور شمال مغربی بحرالکاہل میں بڑے پیمانے پر بحری مشقوں کا آغاز کر دیا ہے۔ وزارتِ دفاع کے مطابق ان مشقوں کا مقصد بحری بیڑے کے کمانڈروں کی مختلف فورسز گروپس کی قیادت، اپنے دائرۂ اختیار میں غیر روایتی جنگی مشنز کی انجام دہی کی صلاحیت کے جائزے اور اعلیٰ درستگی والے جدید ہتھیاروں اور نئی اقسام کے ہتھیاروں کے مربوط استعمال کی مشق کرنا ہے۔مشقوں میں تقریباً 60 جنگی، آبدوز اور معاون بحری جہاز، 30 کے قریب طیارے، ہیلی کاپٹرز اور بغیر پائلٹ کے فضائی نظام کے علاوہ 13 ہزار سے زائد فوجی اہلکار حصہ لے رہے ہیں۔ روسی وزارت دفاع کا کہنا تھا کہ یہ مشقیں دیگر قانون نافذ کرنے والے اداروں اور وفاقی انتظامی اداروں کے باہمی تعاون سے منعقد کی جا رہی ہیں۔