فوٹو وولٹک پاور جنریشن چین میں بجلی کا سب سے بڑا ذریعہ بن گئی

بیجنگ :چین کے قومی محکمہ برائے توانائی کے تازہ ترین اعداد و شمار کے مطابق، رواں سال جولائی کے اختتام تک چین میں فوٹو وولٹک پاور جنریشن کی نصب شدہ صلاحیت 1.286 ارب کلوواٹ تک پہنچ گئی۔ یہ تاریخ میں پہلی مرتبہ ہے کہ فوٹو وولٹک پاور جنریشن نے کوئلے سے پیدا ہونے والی بجلی کو پیچھے چھوڑتے ہوئے چین میں بجلی پیدا کرنے کا سب سے بڑا ذریعہ بننے کا اعزاز حاصل کیا ہے۔اعداد و شمار کے مطابق چین کی مجموعی پاور جنریشن کی صلاحیت میں فوٹو وولٹک پاور جنریشن کا حصہ 31.5 فیصد تک پہنچ گیا ہے۔ رواں سال جنوری سے جولائی تک ملک بھر میں فوٹو وولٹک پاور جنریشن کی پیداوار 802.4 ارب کلوواٹ گھنٹے سے تجاوز کر گئی، جو گزشتہ سال کی اسی مدت کے مقابلے میں 15.5 فیصد کا اضافہ ہے۔اس وقت دنیا بھر میں تیار ہونے والے ہر دس میں سے تقریباً آٹھ فوٹو وولٹک ماڈیولز اِن چائنا ہیں۔ توقع ہے کہ آئندہ پانچ برسوں کے دوران چین کی فوٹو وولٹک صنعت میں سرمایہ کاری 2 ٹریلین یوآن سے تجاوز کر جائے گی۔