چینی وزارت خارجہ کے ترجمان نے اعلان کیا ہے کہ چین کے نائب صدر ہان ژینگ اقوام متحدہ کی جنرل اسمبلی کے اکیاسیویں اجلاس کی عام بحث میں شرکت کے لیے 24 سے 26 ستمبر تک نیویارک جائیں گے۔اجلاس کے دوران چینی نائب صدر چین کی میزبانی میں گلوبل ڈویلپمنٹ انیشی ایٹو کی پانچویں سالگرہ کے موقع پر ہونے والے اعلیٰ سطحی مکالمے میں شرکت کریں گے اور اقوام متحدہ کے سیکرٹری جنرل، جنرل اسمبلی کے صدر اور متعلقہ ممالک کے رہنماؤں سے ملاقات کریں گے۔
چینی وزارت خارجہ کے ترجمان گو جیاکھون نے کہا کہ اقوام متحدہ کی جنرل اسمبلی کا عام بحث کا اجلاس مختلف ممالک کے لیے سیاسی اتفاق رائے پیدا کرنے اور کثیر جہتی اقدامات کو مربوط کرنے کا ایک اہم موقع ہے۔ اجلاس کے دوران چینی نائب صدر ہان ژینگ موجودہ بین الاقوامی صورتحال، اہم بین الاقوامی اور علاقائی مسائل اور اقوام متحدہ کے امور کے بارے میں چین کے خیالات اور تجاویز کی جامع وضاحت کریں گے، حقیقی کثیرالجہتی پر عمل کرنے اور عالمی امن و ترقی کو فروغ دینے کے لیے چین کے طاقتور اقدامات کو متعارف کرائیں گے۔انہوں نے کہا کہ چین بین الاقوامی برادری کے ساتھ مل کر اقوام متحدہ کے اختیار اور کردار کو دوبارہ مضبوط بنانے ،عالمی حکمرانی میں اصلاحات اور بہتری کے لیے مزید قوت جمع کرنے اور بنی نوع انسان کے ہم نصیب معاشرے کی تعمیر کے لیے مل کر درست سمت میں آگے بڑھنے کے لیے کوشاں ہے ۔