صدر شی جن پھنگ کے “تاریخی دورے”پر ان کےشکرگزار ہیں، امریکی صدر ڈونلڈ ٹرمپ

چینی صدر شی جن پھنگ نے امریکی صدر ڈونلڈ ٹرمپ کی جانب سے وائٹ ہاؤس میں منعقدہ استقبالیہ تقریب میں شرکت کی۔تقریب سے خطاب کرتے ہوئے صدر ٹرمپ نے کہا کہ 2016 میں پہلی مرتبہ صدر منتخب ہونے کے بعد سے صدر شی جن پھنگ اور ان کے درمیان گہری دوستی قائم ہے، جو باہمی احترام اور دونوں ممالک کے عوام کے بنیادی مفادات پر مبنی ہے۔
امریکی صدر ڈونلڈ ٹرمپ نے کہا کہ وہ چینی صدر شی جن پھنگ، ان کی اہلیہ پھنگ لی یوان اور پورے چینی وفد کو وائٹ ہاؤس میں خوش آمدید کہتے ہیں۔صدرٹرمپ نے یاد دلایا کہ رواں سال مئی میں انہیں اپنے وفد کے ہمراہ بیجنگ کا دورہ کرنے کا موقع ملا، جہاں چینی قیادت نے ان کے وفد کی بھرپور مہمان نوازی کی تھی۔ انہوں نے کہا کہ آج میلانیا ٹرمپ اور وہ خود، واشنگٹن میں چینی قیادت کا استقبال کرتے ہوئے خوشی محسوس کر رہے ہیں۔ امریکی صدر نے کہا کہ وہ صدر شی جن پھنگ کے ساتھ مل کر امریکہ اور چین کے لیے مزید بہتر مستقبل کی تشکیل کے لیے تعاون جاری رکھیں گے۔انہوں نے صدر شی جن پھنگ اور ان کی اہلیہ پھنگ لی یوان کے موجودہ دورے کو “تاریخی دورہ” قرار دیتے ہوئے ان کی واشنگٹن آمد پر شکریہ ادا کیا ۔