روسی صدر ولادیمیر پوٹن نے کہا کہ روس یوکرین کے ساتھ تنازع کے خاتمے کے لیےکوشش کر رہا ہے۔
یوریشین اکنامک یونین کی سپریم کونسل کے اجلاس کے بعد صحافیوں سے گفتگو کے دوران پوٹن نے کہا کہ حال ہی میں سلوواکیہ کے وزیر اعظم رابرٹ فیکو نے روس کے دورے کا دوران اپنے ملک کو روس اور یوکرین کے درمیان مذاکرات کے لیے ایک پلیٹ فارم کے طور پر استعمال کرنے پر آمادگی ظاہر کی۔روس کا خیال ہے کہ سلوواکیہ ایک غیر جانبدارانہ حیثیت رکھتا ہے اور روس اس تجویز کے لیے تیار ہے ۔پوٹن نے یہ بھی کہا کہ 2021 میں ان سے بات چیت میں امریکی صدر بائیڈن نے یوکرین کو نیٹو میں شامل کرنے میں تاخیر کی تجویز دی تھی۔
روسی صدر کا کہنا تھا کہ روس یقینی طور پر اپنی سرزمین پر حملوں کا جواب دے گا اور ضرورت پڑنے پر روس دوبارہ "ہیزلنٹ” میزائل کا استعمال کرے گا۔انہوں نے مزید کہا کہ روس 2025 میں خصوصی فوجی آپریشن کے تمام طے شدہ اہداف حاصل کرنا جاری رکھے گا جو اس کی اولین ترجیح ہے۔
