روس میں”چائنا ان اسپرنگ ٹائم” عالمی مکالمے کا انعقاد

ماسکو:”چائنا ان اسپرنگ ٹائم:دنیا کے لیے چین کے ترقیاتی مواقع ” کے عنوان سے عالمی مکالمے کا روس خصوصی سیشن ماسکو میں منعقد ہوا۔چین اور روس کی سیاسی، علمی اور میڈیا کے شعبے کی شخصیات سمیت تقریباً دو سو مہمانوں نے اس تقریب میں شرکت کی۔کمیونسٹ پارٹی آف چائنا کی مرکزی کمیٹی کے شعبہ تشہیر کے نائب سربراہ اور چائنا میڈیا گروپ کے صدر شن ہائی شیونگ نے اپنے خطاب میں کہا کہ چائنا میڈیا گروپ بین الاقوامی معیار کی مربوط نشریات، سائنسی و تکنیکی جدت اور میڈیا وسائل کی برتریوں کو بروئے کار لاتے ہوئے چینی طرزِ جدیدیت کے ثمرات کو دنیا تک بہتر انداز میں پہنچانے کے لیے پرعزم ہے۔ چین کی ترقی دنیا سے الگ نہیں ہو سکتی اور دنیا کی خوشحالی کو بھی چین کی ضرورت ہے۔ ہم مل کر عالمی امن و ترقی کے فروغ اور انسانیت کے ہم نصیب معاشرے کی تعمیر میں اپنی خدمات سرانجام دیتے رہیں گے۔ تقریب میں سی ایم جی کی جانب سے تیار کردہ پہلا بڑا صنعتی ثقافتی پروگرام “ہنر مند کاریگروں کا ریکارڈ” پیش کیا گیا۔ روس ،قازقستان اور جارجیا کے دیگر مین اسٹریم میڈیا نے اس تقریب کی کوریج کی۔