چین کی اقوام متحدہ کے اصلاحاتی عمل میں ترقی پذیر ممالک کے خدشات کو مد نظر رکھنے کی اپیل

اقوام متحدہ :اقوام متحدہ میں چین کے نائب مستقل نمائندے سون لے نے اقوام متحدہ کی جنرل اسمبلی میں “اقوام متحدہ کے 80 ویں یوم تاسیس اصلاحاتی اقدامات” (UN80) کی بریفنگ میں خطاب کرتے ہوئے کہا کہ چین یوراگوئے کے نمائندے کی جانب سے “77 ممالک کے گروپ اور چین” کی نمائندگی میں دیئے گئے بیان کی حمایت کرتا ہے، اور توقع رکھتا ہے کہ اصلاحاتی عمل میں ترقی پذیر ممالک کے خدشات کو مکمل اہمیت دی جائے گی اور تمام رکن ممالک کی مشترکہ خواہشات کی عکاسی ہو گی۔ انہوں نے مزید کہا کہ چین کو امید ہے کہ تمام رکن ممالک اور سیکریٹریٹ جامع اور شفاف انداز میں اصلاحات کو آگے بڑھائیں گے۔اقوام متحدہ کے فنڈ برائے آبادی اور ادارہ برائے خواتین کے ممکنہ انضمام کے بارے میں سون لے نے کہا کہ متعلقہ اصلاحات میں دونوں اداروں کے قواعد و ضوابط اور عملی مینڈیٹ کو مکمل طور پر برقرار رکھا جانا چاہیے، جبکہ صنفی مساوات، خواتین کو بااختیار بنانے، جنسی و تولیدی صحت اور آبادی کی معیاری ترقی جیسے شعبوں میں رکن ممالک کو مزید مضبوط تعاون فراہم کیا جائے، تاکہ ترقی پذیر ممالک متعلقہ پائیدار ترقیاتی اہداف کے حصول میں پیش رفت کر سکیں۔ٹیکنالوجی اور ڈیٹا کے شعبے میں اصلاحات سے متعلق سون لے نے کہا کہ چین ایک متحدہ ڈیٹا شیئرنگ پلیٹ فارم کے قیام کی حمایت کرتا ہے، جس سے باہمی تعاون کی کارکردگی میں اضافہ اور ڈیٹا سپورٹ کی صلاحیت کو مضبوط بنایا جا سکے گا۔ انہوں نے اس ضمن میں اقوامِ متحدہ کے محکمہ اقتصادی و سماجی امور سمیت متعلقہ اداروں کے اہم کردار کی بھی حمایت کی۔