چین اور موزمبیق کے درمیان میڈیا و ثقافتی تعاون کو فروغ دینے پر اتفاق

بیجنگ :(چائنا ڈیسک) چینی صدر شی جن پھنگ اور موزمبیق کے صدر ڈینیئل چاپو کی موجودگی میں بیجنگ میں چین اور موزمبیق کے درمیان میڈیا و ثقافتی تعاون کے متعدد اہم معاہدوں پر دستخط کیے گئے۔بدھ کے روز چینی میڈیا کے مطابق اس موقع پر سی پی سی مرکزی کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے موزمبیق ٹیلی ویژن کے بورڈ چیئرمین نیاٹی تیما کے ساتھ “چائنا میڈیا گروپ اور موزمبیق ٹیلی ویژن کے درمیان تعاون کی یادداشت”، موزمبیق نیوز ایجنسی کے سربراہ گامبیٹا کے ساتھ “چائنا میڈیا گروپ اور موزمبیق نیوز ایجنسی کے درمیان تعاون کی یادداشت” اور موزمبیق کی مونڈلانے یونیورسٹی کے صدر جونیئر کے ساتھ “چائنا میڈیا گروپ اور مونڈلانے یونیورسٹی کے درمیان تعاون کی یادداشت” پر دستخط کیے۔ان معاہدوں کے تحت چائنا میڈیا گروپ اور موزمبیق کے متعلقہ ادارے ادارہ جاتی تعاون کو مزید مضبوط بنائیں گے، جس میں مشترکہ مواد کی تیاری، افرادی تبادلے، مختلف سرگرمیوں کا انعقاد اور ثقافتی تبادلے شامل ہیں۔یہ عملی تعاون دونوں ممالک کے درمیان میڈیا، تعلیم اور ثقافت کے شعبوں میں روابط کو مزید وسعت دے گا اور نئے دور میں چین۔موزمبیق ہم نصیب معاشرے کی تعمیر کو فروغ دینے میں اہم کردار ادا کرے گا۔