چین کے شین زو۔23 انسان بردار خلائی جہاز کی کامیاب لانچنگ

بیجنگ : چائنا مینڈ اسپیس ایجنسی کے مطابق شین زو۔23 انسان بردار خلائی جہاز کو لے جانے والا لانگ مارچ۔2 ایف وائی 23 راکٹ جیو چھوان سیٹلائٹ لانچ سینٹر سے کامیابی کے ساتھ لانچ کیا گیا۔ راکٹ کی پرواز کے تقریباً 10 منٹ بعد خلائی جہاز کامیابی سے راکٹ سے الگ ہو کر مقررہ مدار میں داخل ہو گیا، یوں لانچ مشن کامیابی سے مکمل ہوا۔انسان بردار خلائی جہاز اور خلائی اسٹیشن کے امتزاجی ڈھانچے کے کامیاب ملاپ اور ڈاکنگ کے بعد شین زو۔23 خلانورد مشن کا عملہ کامیابی کے ساتھ مدار کے کیپسول میں داخل ہو گیا۔ پہلے سے مدار میں موجود شین زو۔21 خلانورد مشن کے عملے نے شین زو۔23 کے عملے کا تھیان گونگ خلائی اسٹیشن میں خیر مقدم کیا۔ یہ چین کی خلائی تاریخ میں آٹھویں "خلائی ملاقات” ہے، جبکہ یہ پہلی بار بھی ہے کہ چین کے ہانگ کانگ ایس اے آر سے تعلق رکھنے والا کوئی خلانورد تھیان گونگ خلائی اسٹیشن میں داخل ہوا ہے۔ یہ مشن خلائی اسٹیشن کے استعمال اور ترقی کے مرحلے میں ساتواں انسان بردار مشن ہے، جبکہ منصوبے کے آغاز سے اب تک یہ مجموعی طور پر 40واں خلائی لانچ مشن بھی ہے۔اب تک چین کے 30 خلانورد مجموعی طور پر 47 مرتبہ خلا میں جا کر مختلف پرواز مشنز انجام دے چکے ہیں۔