مدینہ منورہ(نیوزڈیسک)مسلم لیگ (ن) کے قائد وسابق وزیراعظم میاں محمدنواز شریف مدینہ منورہ پہنچ گئے، روضہ رسولﷺ پر حاضری دیں گے اور نوافل ادا کریں گے۔
ذرائع کے مطابق سابق وزیراعظم نواز شریف سعودی عرب سے دبئی جائیں گے، دبئی میں کچھ دن قیام کے دوران اہم ملاقاتیں کریں گے۔
نوازشریف کا چارٹرڈ طیارہ 21اکتوبر کو دوپہر 12 بجے لاہور میں لینڈ کرے گا، طیارے کی لینڈنگ اور پارکنگ کے حوالے سے حکومت سے رابطہ کر لیا گیا۔
واضح رہے کہ اس سے قبل سابق وزیراعظم نواز شریف نے مکہ مکرمہ میں 12 اکتوبر کو عمرہ کی سعادت حاصل کی تھی، حسین نواز نے بھی والد کے ہمراہ عمرہ ادا کیا جبکہ سٹاف کے کچھ ممبران نے بھی عمرہ کیا۔
