اقوام متحدہ کی اطلاعات کے مطابق اقوام متحدہ کی پوسٹل ایڈمنسٹریشن چینی قمری کیلنڈر کے مطابق نئے سال کی آمد کے جشن کےلیے 19 جنوری کو نیو یارک میں ڈریگن کی تصویر کے ساتھ خصوصی اسٹامپ شیٹ جاری کرے گی ۔
ڈریگن اسٹامپ شیٹ 10 ڈاک ٹکٹوں پر مشتمل ہوگی جن میں سے ہر ایک کی قیمت 1.50 امریکی ڈالر ہو گی ۔تفصیلات کے مطابق ڈاک ٹکٹ کے بائیں جانب نصف حصے پر اقوام متحدہ کا علامتی نشان ہے جبکہ دائیں جانب نصف حصے پر بادلوں میں اڑنے والے ایک ڈریگن کو دکھایا گیا ہے۔
یاد رہے کہ اقوام متحدہ کی پوسٹل ایڈمنسٹریشن نے مئی 2010 کو پہلا ڈاک ٹکٹ جاری کیا تھا جس میں چینی برج کو دکھایا گیا تھا اور 2021 تک پورے 12 چینی برجوں پر مبنی ڈاک ٹکٹس کا پہلا دور مکمل ہو چکا ہے ۔
