ر
بیجنگ:چینی صدر شی جن پھنگ نے چین امریکہ تعلقات سے متعلق قومی کمیٹی کے 2024 کے سالانہ ایوارڈز ڈنر کو مبارکباد کا خط بھیجا۔
شی جن پھنگ نے کہا کہ چین امریکہ تعلقات دنیا کے اہم ترین دوطرفہ تعلقات میں سے ایک ہیں جن کا تعلق دونوں ممالک کے عوام کی فلاح و بہبود اور انسانیت کے مستقبل اور تقدیر سے ہے۔ چین نے ہمیشہ باہمی احترام، پرامن بقائے باہمی اور فائدہ مند تعاون کے اصولوں کے مطابق چین اور امریکہ کے تعلقات کو سنبھالا ہے اور ہمیشہ اس بات پر یقین رکھتا ہے کہ چین اور امریکہ کی اپنی اپنی کامیابی ایک دوسرے کے لئے ایک موقع ہے، اور یہ کہ دونوں ممالک کو ایک دوسرے کی ترقی کی راہ میں رکاوٹ بننے کے بجائے معاون ہونا چاہئے۔ چین امریکہ کے ساتھ شراکت دار اور دوست بننے کا خواہاں ہے۔ اس سے نہ صرف دونوں ممالک بلکہ پوری دنیا کو فائدہ ہوگا۔
شی جن پھنگ نے اس بات پر زور دیا کہ کھلاپن چین کی جدیدیت کی واضح علامت ہے اور چین کے دروازے وسیع سے وسیع تر ہوتے جائیں گے۔ امید ہے کہ چین امریکہ تعلقات کی قومی کمیٹی اور زندگی کے تمام شعبوں سے تعلق رکھنے والے دوست چین امریکہ تعلقات کی حمایت جاری رکھیں گے، چین کی جدیدکاری میں فعال طور پر حصہ لیتے رہیں گے اور اس سے فائدہ اٹھاتے رہیں گے، مزید آمدورفت اور تبادلے کرتے رہیں گے، باہمی فائدہ مند تعاون کو گہرا کرتے رہیں گے، اور مشترکہ طور پر “سان فرانسسکو وژن” کو حقیقت میں تبدیل کریں گے، تاکہ دونوں ممالک کے عوام کو زیادہ سے زیادہ فوائد حاصل ہوں اور دنیا میں مزید استحکام اور مثبت توانائی پیدا ہو۔
اسی روز امریکی صدر جو بائیڈن نے بھی چین امریکہ تعلقات سے متعلق قومی کمیٹی کے سالانہ ایوارڈز ڈنر کو مبارکباد کا خط بھیجا۔
