روسی صدر ولادیمیر پیوٹن نے آذربائیجان کے صدر علیئیف کے ساتھ آذربائیجان ایئرلائنز کے طیارے کے حادثے کے حوالے سے ٹیلی فونک بات چیت کی اور روسی فضائی حدود میں حادثے کا شکار ہونے والےمسافر طیارے کی فزیکل اور تکنیکی مداخلت پر معافی مانگی۔ انہوں نے جاں بحق افراد کے اہل خانہ سے دلی تعزیت کا اظہار کیا اور زخمیوں کی جلد صحت یابی کے لیے دعا کی۔
اسی روز یوکرین کے صدر ولادیمیر زیلنسکی نے بھی علیئیف سے فون پر بات کی اور آذربائیجان ایئرلائنز کے حادثے پر تعزیت کا اظہار کیا ۔ زیلنسکی نے کہا کہ اب اولین کام ، مکمل تحقیقات کرنا اور اس میں شامل معاملات کو سمجھنا ہے۔
آذربائیجان کے صدر علیئیف نے کہا کہ حادثے کا شکار ہونے والے طیارے کی بیرونی سطح پر کئی سوراخ تھے، دوران پرواز کیبن میں داخل ہونے والے سخت مواد سے مسافر اور عملہ زخمی ہوئے، اور زندہ بچ جانے والے مسافروں اور عملے نے بیرونی فزیکل اور تکنیکی مداخلت کی بھی تصدیق کی۔
حادثے کی تحقیقات پر توجہ مرکوز کرتے ہوئے ، قازقستان کے صدر قاسم جومارٹ ٹوکائیف نے 28 تاریخ کو نشاندہی کی کہ معلومات کی اشتعال انگیزی اور جھوٹ کو روکنا ضروری ہے۔ قازقستان کے نائب وزیر اعظم نے بتایا کہ قازقستان نے تحقیقات کے لیے 17 بین الاقوامی ماہرین کو بلایا ہے۔ فی الحال ماہرین اس نتیجے پر پہنچ رہے ہیں کہ طیارے کو قازقستان کی فضائی حدود کے باہر نقصان پہنچا تھا۔
