مبارک اسحاق چترالی کی سینئر مسلم لیگی قیادت سے اہم ملاقات، تنظیم سازی پر تفصیلی گفتگو
اسلام آباد:پاکستان مسلم لیگ یوتھ ونگ کے مرکزی نائب صدر مبارک اسحاق چترالی نے پارٹی کے سینئر قائدین سے اہم ملاقات کی، جس میں تنظیمی امور، نوجوانوں کے کردار اور درپیش مختلف سیاسی و عوامی مسائل پر تفصیلی تبادلہ خیال کیا گیا۔
ملاقات میں سابق وفاقی وزیر اور چیف آرگنائزر پاکستان مسلم لیگ ڈاکٹر محمد امجد، مرکزی سیکرٹری اطلاعات و نشریات و مشیر اوورسیز پاکستانیز غلام مصطفیٰ ملک، رکن قومی اسمبلی مسز فرخ خان، ڈاکٹر رحیم اعوان، صدر فیڈرل کیپیٹل سردار رضوان خان صادق اور کوآرڈینیٹر چودھری سالک حسین اعظام الٰہی شریک تھے۔
اس موقع پر مبارک اسحاق چترالی نے پارٹی قیادت کو چترال کی ثقافت کی علامت روایتی تحائف مارخور اور پکہول پیش کیے، جسے شرکاء نے خوش دلی سے قبول کرتے ہوئے چترالی ثقافت کی بھرپور تعریف کی۔
ملاقات میں اس عزم کا اظہار کیا گیا کہ پاکستان مسلم لیگ کو نچلی سطح تک مزید مضبوط بنایا جائے گا اور نوجوانوں کو قومی سیاست میں مؤثر کردار ادا کرنے کے مزید مواقع فراہم کیے جائیں گے۔ پارٹی رہنماؤں نے یوتھ ونگ کی فعالیت کو سراہتے ہوئے اسے پارٹی کا مضبوط اثاثہ قرار دیا۔