چین میں اسپرنگ فیسٹیول کی تعطیلات کے آخری دن واپسی کے مسافروں کا بہاؤ عروج پر رہا

بیجنگ:23 فروری کو چین میں اسپرنگ فیسٹیول کی تعطیلات کا آخری دن ہے اور واپسی کے مسافروں کے بہاؤ کا عروج دیکھنے میں آ رہا ہے۔ دارلحکومت بیجنگ میونسپل کمیشن آف ٹرانسپورٹ کے مطابق، 23 تاریخ کو بیجنگ میں داخل ہونے اور جانے والےمسافروں کی کل تعداد 40 لاکھ تک پہنچ جائے گی۔ مسافروں کے شدید بہاؤ کے پیش نظر، ریلوے انتظامیہ نے نقل و حمل کی صلاحیت میں اضافہ کرنے کے ساتھ ساتھ مسافروں کے لئے سہولیات کی فراہمی کو مزید موثر بنایا ہے۔ ہر ٹرین اسٹیشن نے مسافروں کی ٹکٹنگ کی ضروریات کو فوری طور پر حل کرنے کے لیے “ون اسٹاپ سروس” ونڈو قائم کی ہے۔ علاوہ ازیں، مسافروں کے بہاؤ کی رہنمائی اور نظم و نسق کو مضبوط بنانے کے لیے رضاکار اہم مقامات پر تعینات کیے گئے ہیں۔ چین کی وزارت نقل و حمل کی اطلاع کے مطابق، 23 فروری کو چین میں کراس ریجنل مسافروں کے ٹرپس کی کل تعداد 362.58 ملین تک پہنچنے کی توقع ہے، جو ماہانہ بنیادوں پر 4.7 فیصد کم جبکہ سال 2025 کی اسی مدت کے مقابلے میں 11.9 فیصد کا اضافہ ہوگا۔