بیجنگ: سی پی سی سینٹرل کمیٹی کے جنرل سیکرٹری، چین کے صدر اور مرکزی فوجی کمیشن کے چیئرمین شی جن پھنگ نے بیجنگ میں رضاکارانہ طور پر شجرکاری کی سرگرمی میں حصہ لیتے ہوئے اس بات پر زور دیا کہ ہر کوئی اچھے ماحول کا اشتراک کر سکتا ہے، اور اس کی تعمیر کے لیے مشترکہ کوششوں کی بھی ضرورت ہے۔ ہمیں پوری قوم کو شجرکاری میں حصہ لینے کے لیے منظم اور متحرک کرنا ہوگا تاکہ چینی طرز کی جدیدیت کو مزید خوبصورت اور ماحول دوست بنایا جا سکے۔
30 تاریخ کی صبح، پارٹی اور ریاستی رہنماؤں شی جن پھنگ، لی چھیانگ، چاؤلہ جی، وانگ حو نینگ، چائی چھی، ڈینگ شیوئے شیانگ، لی شی اور دیگر رہنماؤں نے بیجنگ کے ضلع چھانگ پھنگ کے بائی شان قصبے کا دورہ کیا اور مقامی کارکنوں اور عام شہریوں کے ساتھ مل کر درخت لگائے۔ شی جن پھنگ نے اس بات پر زور دیا کہ اس سال ملک کے 15ویں پانچ سالہ منصوبے کا پہلا سال اور ملک گیر رضاکارانہ شجرکاری کی مہم کی 45ویں سالگرہ منائی جا رہی ہے۔ نئے دور میں، ملک بھر میں شجرکاری کو فروغ دینے کے سلسلے میں معیار کو بہتر بنانے، صنعت کو فروغ دینے اور لوگوں کو فائدہ پہنچانے پر مزید زور دیا جانا چاہیے۔ ہم شہری اور دیہی شجرکاری اور خوبصورتی کو مربوط انداز میں فروغ دیں گے تاکہ عوام کو سبز فوائد کا زیادہ سے زیادہ احساس ہو سکے۔
