چین، نینگ بو میں فلمی ثقافتی کارنیوال کا آغاز،” فلم+ ” معیشت کو فروغ دینے پر زور

بیجنگ :چین کے صوبہ زے چیانگ کے شہر نینگ بو میں فلمی ثقافتی کارنیوال کا باضابطہ آغاز ہوا۔ اس سرگرمی کی رہنمائی قومی فلم بیورو نے کی، جبکہ اس کا مشترکہ انعقاد چائنا میڈیا گروپ اور زے چیانگ صوبائی عوامی حکومت نے کیا ہے۔ سی پی سی مرکزی کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ اور زے چیانگ صوبائی پارٹی کمیٹی کے نائب سیکریٹری و نینگ بو میونسپل پارٹی کمیٹی کے سیکریٹری وانگ چھنگ نے تقریب میں شرکت کی۔ یہ فلمی ثقافتی کارنیوال "2026 فلمی معیشت کے فروغ کے سال” کے موقع پر منعقد کیا گیا ہے، جس میں "فلم+” معیشت کے تصور کے تحت متعدد تخلیقی سرگرمیوں کا انعقاد کیا جا رہا ہے، تاکہ فلمی ثقافت کو عوامی سطح پر فروغ دیا جا سکے اور ایک ہمہ گیر ثقافتی میلہ تشکیل دیا جا سکے۔ اس موقع پر چائنا میڈیا گروپ کے بین الاقوامی چینل نے "بہار میں چین: فلم دیکھیں، خوبصورت مناظر کی سیر کریں” کے عنوان سے ایک خصوصی سرگرمی بھی متعارف کرائی۔ اسی روز "2026 یانگسی ڈیلٹا بین الاقوامی یوتھ فلم ویک” کا بھی نینگ بو میں آغاز کیا گیا۔مزید برآں، چائنا میڈیا گروپ کا پہلا ہمہ جہتی فلمی ثقافتی پروگرام "ویک اینڈ پر مل کر فلم دیکھیں” بھی نشر کیا گیا۔