سلامتی کونسل میں مسئلہ یوکرین پر غور، چین نے امریکی الزامات مسترد کر دیے

اقوام متحدہ :اقوام متحدہ کی سلامتی کونسل میں یوکرین کے مسئلے پر غور کیا گیا۔ اجلاس کے دوران اقوام متحدہ میں چین کے نائب مستقل نمائندے سن لے نے امریکی نمائندے کی جانب سے دہرائے گئے بے بنیاد الزامات اور غلط بیانات کو فوراً مسترد کر دیا۔سن لے نے واضح طور پر کہا کہ یوکرین مسئلے پر چین پر ذمہ داری ڈالنے، الزامات لگانے اور بدنام کرنے کی کوئی بھی کوشش غیر ذمہ دارانہ ہے اور کامیاب نہیں ہو سکتی۔ ان کا کہنا تھا کہ بحران کے آغاز سے اب تک میدانِ جنگ میں اسلحہ فراہم کرنے اور جنگ کو طول دینے کی کوششیں امریکہ کی جانب سے کی جا رہی ہیں، نہ کہ چین کی طرف سے۔چینی نمائندے نے ایک بار پھر امریکہ پر زور دیا کہ وہ الزام تراشی سے گریز کرے اور جنگ بندی، کشیدگی میں کمی اور مذاکرات کے فروغ کے لیے مثبت کردار ادا کرے۔