چین اور میانمار کے درمیان ہم نصیب معاشرے کی تعمیر خوشحالی کے تقاضوں سے ہم آہنگ ہے، چینی وزیر خارجہ

نیپیداؤ: میانمار کے نومنتخب صدر من آنگ ہلاینگ نے نیپیداؤ میں کمیونسٹ پارٹی آف چائنا کی مرکزی کمیٹی کے سیاسی بیورو کے رکن اور چینی وزیر خارجہ وانگ ای سے ملاقات کی۔ اتوار کے روز من آنگ ہلاینگ نے کہا کہ میانمار کی نئی حکومت چین کے ساتھ جامع اسٹریٹجک شراکت داری کو مزید گہرا کرنے اور چین۔میانمار ہم نصیب معاشرے کی مشترکہ تعمیر کی خواہاں ہے۔ میانمار اپنی سرزمین پر کسی بھی ایسے عمل کی اجازت نہیں دے گا جو چین کے مفادات کے خلاف ہو، اور آن لائن جوئے اور ٹیلی کام فراڈ کے خلاف کارروائی کو مزید تیز کرے گا، جبکہ میانمار میں چینی شہریوں، اداروں اور منصوبوں کے تحفظ کو یقینی بنایا جائے گا۔وانگ ای نے کہا کہ چین اور میانمار کے درمیان ہم نصیب معاشرے کی تعمیر دونوں ممالک کی ترقی اور خوشحالی کے تقاضوں سے ہم آہنگ ہے اور دونوں عوام کے مفاد میں ہے۔ انہوں نے کہا کہ چین میانمار کے ساتھ اعلیٰ سطح روابط برقرار رکھنے، اسٹریٹجک ہم آہنگی کو مضبوط بنانے اور زلزلے کے بعد تعمیرِ نو کے عمل میں تعاون کو آگے بڑھانے کے لیے تیار ہے، تاکہ میانمار جلد از جلد اپنی اقتصادی بحالی اور خود انحصاری کو فروغ دے سکے۔ انہوں نے یہ بھی کہا کہ چین میانمار کے ساتھ مل کر آن لائن جرائم کے خاتمے کے لیے بھرپور تعاون جاری رکھے گا۔دورے کے دوران وانگ ای نے میانمار کے وزیرِ خارجہ ٹین منگ سوئے سے بھی ملاقات کی، اور فریقین نے چین کی جانب سے فراہم کردہ عارضی رہائشی یونٹس کی حوالگی اور چین۔میانمار خلائی تعاون سے متعلق مفاہمتی یادداشت کے تبادلے کی تقریب میں شرکت کی۔