چین کے گرد سمندری امور میں مداخلت کو بند ہونا چاہیے ، چینی وزارت خارجہ

بیجنگ :چینی وزارتِ خارجہ کی ترجمان ماؤ نِنگ نے یومیہ پریس کانفرنس میں جنوبی بحیرہ چین اور مشرقی بحیرہ چین کی صورتحال پر امریکہ، جاپان، بھارت اور آسٹریلیا کے ” کواڈ میکانزم ” کی نام نہاد تشویش کے حوالے سے سوال کے جواب میں کہا کہ اس وقت مشرقی بحیرہ چین اور جنوبی بیحرہ چین کی صورتِ حال مجموعی طور پر مستحکم ہے، اور تمام ممالک کو قانون کے تحت جہاز رانی اور پرواز کی آزادی حاصل ہے ۔ ترجمان کا کہنا تھا کہ متعلقہ ممالک کو چین کے گرد سمندری امور میں مداخلت بند کر نی چاہیئے اور امن و استحکام کے قیام کے لیے علاقائی ممالک کی کوششوں کا احترام کرنا چاہیئے ۔ ماؤ نِنگ نے کہا کہ ” چھوٹے گروہ ” بنا کر ، کشیدگی اور مخالفت پیدا کرنے کی کوششیں بے سود ہیں اور ان سے عوامی حمایت حاصل نہیں کی جا سکتی ۔