چین کا ڈیموکریٹک ریپبلک آف کانگو کو ہنگامی انسانی امداد فراہم کرنے کا فیصلہ

بیجنگ :(چائنا ڈیکس) ڈیموکریٹک ریپبلک آف کانگو (ڈی آر سی) میں حال ہی میں ایبولا وائرس کی نئی لہر کا آغاز ہوا ہے۔ اس حوالے سے عالمی ادارہ صحت اور بیماریوں کے کنٹرول اور روک تھام کے لیے افریقہ کے مراکز نے عالمی برادری سے اپیل کی ہے کہ وہ وبائی امراض کے انسداد کے لئے فعال طور پر افریقہ کی مدد کرے۔ پیر کے روز چینی وزارت خارجہ کے ترجمان لین جیئن نے یومیہ پریس کانفرنس میں کہا کہ چین اور افریقہ اچھے بھائی ہیں جو ہر دکھ سکھ میں برابر کے شریک ہیں۔ ڈیموکریٹک ریپبلک آف کانگو میں ایبولا کی وبا کے پھیلاؤ پر چین کو گہری تشویش ہے اور وہ متاثرہ عوام کے دکھ درد کو محسوس کرتا ہے۔چین نے ہنگامی انسانی امداد فراہم کرنے کا فیصلہ کیا ہے اور طبی ماہرین کی ٹیم کو طبی خدمات اور امداد فراہم کرنے کے لیے کانگو روانہ کر دیا ہے۔ اس کے علاوہ، چین افریقی یونین کمیشن کو امداد فراہم کرےگا اور بیماریوں کے کنٹرول اور روک تھام کے لیے افریقہ کے مراکز کی کوششوں میں مدد دے گا۔ اگلے مرحلے میں چین ڈیموکریٹک ریپبلک آف کانگو جیسے افریقی ممالک کے ساتھ ساتھ عالمی ادارہ صحت، افریقی یونین اور دیگر تنظیموں کے ساتھ قریبی رابطے کو برقرار رکھے گا، اور وبائی امراض کی صورتحال اور افریقی ممالک کی ضرورت کے مطابق اپنی صلاحیت پر مبنی مدد فراہم کرتا رہے گا۔