دریائے چترال میں پانی کی سطح بلند ہونے کے باعث رابطہ پل دریا برد ہوگیا

چترال: دریائے چترال میں پانی کی سطح بلند ہونے کے باعث برزیں گرم چشمہ لٹکوہ رابطہ پل دریا برد ہوگیا۔

مقامی حکام کے مطابق یہ رابطہ پل محض ایک ماہ قبل تعمیر کیا گیا تھا، تاہم دریا میں پانی کے بہاؤ میں اضافے کے باعث پل بہہ گیا۔

رابطہ پل کے دریا برد ہونے سے علاقے کے کئی دیہات کا زمینی رابطہ منقطع ہوگیا ہے جس کے باعث شہریوں کو آمدورفت اور روزمرہ ضروریات کی فراہمی میں شدید مشکلات کا سامنا ہے۔

مقامی آبادی نے متعلقہ حکام سے فوری متبادل انتظامات اور متاثرہ راستے کی بحالی کا مطالبہ کیا ہے۔