آبنائے ہرمز میں جہاز رانی کے معاملے کو مناسب طریقے سے حل کیا جانا چاہیے، چینی وزارتِ خارجہ

بیجنگ :ایران نے اعلان کیا ہے کہ غیر ملکی افواج کی غیر قانونی مداخلت کے باعث پیدا ہونے والی عدم تحفظ کی صورتحال کے پیش نظر آبنائے ہرمز کو فوری طور پر بند کر دیا جائے گا۔پیر کے روز چینی وزارت خارجہ کے ترجمان لِین جیئن نے یومیہ پریس کانفرنس میں کہا کہ آبنائے ہرمز ایک اہم آبی گزرگاہ ہے جسے بین الاقوامی جہاز رانی کے لیے استعمال کیا جاتا ہے۔ اس آبی گزرگاہ سے محفوظ اور آزاد آمد و رفت کی جلد از جلد بحالی تمام متعلقہ فریقوں کے مفاد میں ہے۔انہوں نے کہا کہ آبنائے ہرمز میں جہاز رانی سے متعلق معاملات کو ذمہ دارانہ انداز میں حل کیا جانا چاہیے، جبکہ عالمی برادری کے وسیع خدشات کو مناسب طریقے سے دور کرنے کی ضرورت ہے۔ چین اس معاملے پر متعلقہ ممالک اور عالمی برادری کے ساتھ رابطے کو برقرار رکھنے کے لیے تیار ہے۔