کانگو میں ایبولا کے تصدیق شدہ کیسز  4200 سے متجاوز

کانگو:یموکریٹک ریپبلک آف کانگو (ڈی آر سی) کی وزارتِ صحت کی جانب سے جاری کردہ اطلاعات کے مطابق، ملک میں ایبولا کی موجودہ وبا کے دوران تصدیق شدہ کیسز کی تعداد 4209 ہو گئی ہے، جن میں سے   1916  افراد جان کی بازی ہارچکے ہیں۔ اس طرح وبا میں اموات کی شرح 45.5 فیصد تک پہنچ گئی ہے۔ عالمی ادارہ صحت کے مطابق، کو ڈیموکریٹک ریپبلک آف کانگو (ڈی آر سی) میں جاری  بنڈی بگیو  ایبولا وبا کا پھیلاؤ سرکاری طور پر اس کے اعلان سے کہیں پہلے شروع ہو چکا تھا۔ جینیاتی تجزیے سے معلوم ہوا ہے کہ وائرس رواں سال فروری کے اوائل میں ہی مقامی سطح پر خاموشی سے پھیلنا شروع ہو گیا تھا، جبکہ حکومت نے باضابطہ طور پر 15 مئی کو وبا کا اعلان کیا تھا۔ عالمی ادارہ صحت نے خبردار کیا ہے کہ وائرس تیزی سے پھیل رہا ہے اور وبا پر قابو پانے کے لیے ہنگامی بنیادوں پر حفاظتی اور نگرانی کے اقدامات مزید مضبوط بنانے کی ضرورت ہے۔ اس وقت وبا سے متاثرہ علاقوں میں گھر گھر جا کر ممکنہ پوشیدہ کیسز کی مکمل جانچ کی جا رہی ہے۔  سرکاری اندازے کے مطابق، جیسے جیسے جانچ کا دائرہ وسیع ہوگا، آئندہ چند ہفتوں کے دوران وبا کی صورتحال مزید سنگین ہو سکتی ہے۔