بیجنگ :پندرہ اگست کو لائف سائنسز میں چین کے سرکردہ بین الاقوامی علمی جریدے “ویٹا”کے سلسلہ وار جرائد کا پہلا مطبوعہ شمارہ جاری کر دیا گیا۔”ویٹا” کا لفظ لاطینی زبان سے ماخوذ ہے، جس کا معنی “زندگی” ہے۔ “ویٹا” سلسلہ وار جرائد میں مرکزی جریدہ “ویٹا” اور متعدد ذیلی جرائد شامل ہیں، جنہیں “اوپن الائنس فار لائف سائنسز” سے وابستہ جامعات اور ادارے مشترکہ طور پر تشکیل دے رہے ہیں۔
اوپن الائنس فار لائف سائنسز چائنیز مین لینڈ اور ہانگ کانگ و مکاؤ کی 15 اعلیٰ سطح کی جامعات اور تحقیقی اداروں نے مشترکہ طور پر قائم کیا تھا اور یہ 12 اگست 2025 کو ہانگ کانگ میں باضابطہ طور پر قائم ہوا۔
اس وقت یہ الائنس چائنیز مین لینڈ ، ہانگ کانگ اور مکاؤ کی 39 جامعات اور اداروں پر مشتمل ہے۔ الائنس کی اہم تعمیری ترجیحات میں اعلیٰ سطح کے سائنسی و تکنیکی جرائد اور بین الاقوامی سطح پر تحقیقی ڈیٹا کے کھلے پلیٹ فارم سمیت دیگر منصوبے شامل ہیں۔
