تہران:ایران کی وزارتِ خارجہ کے ترجمان اسماعیل بقائی کے مطابق، ایران اور عمان کے درمیان مذاکرات مثبت انداز میں جاری ہیں اور دونوں ممالک آبنائے ہرمز میں بحری راستے کے استعمال کے طریقہ کار پر اتفاق کر چکے ہیں۔
بقائی نے اپنے بیان میں یہ بھی کہا کہ ایران اور عمان کے درمیان متعلقہ معاہدے پر مشاورت کے دوران امریکہ نے رکاوٹ ڈالنے کی کوشش کی۔
درحقیقت ایران کی جانب سے آبنائے ہرمز میں بحری آمدورفت کے معاملے پر عمان کے ساتھ ہونے والی مشاورت کی پیش رفت کے بارے میں متعدد بار معلومات جاری کی گئی ہیں اور بارہا واضح کیا گیا ہے کہ عمان کے ساتھ ہونے والی مشاورت میں امریکہ شریک نہیں ہے۔
