ماسکو کے میئر سرگئی سوبیانین نے اطلاع دی کہ 19 ستمبر سے اس وقت تک روس نے 1,600 سے زائد یوکرینی ڈرونز مار گرائے ۔ انہوں نے کہا کہ یہ حملہ “بہت پہلے سے طے شدہ تھا اور اس کا مقصد انتخابات کو نقصان پہنچانا تھا”۔
روس کے نویں نیشنل ڈوما (ایوانِ زیریں) کے انتخابات 18 سے 20 ستمبر تک ہو رہے ہیں ۔ یہ روس کی جانب سے 2022 میں یوکرین میں “خصوصی فوجی آپریشن” کے آغاز کے بعد پہلے قومی پارلیمانی انتخابات ہیں۔
ادھر ماسکو اوبلاست کے گورنر آندرے وروبیوف نے بتایا کہ 20 ستمبر کی صبح 3 بجے سے 5 بجے تک 17 اضلاع میں 249 ڈرونز مار گرائے گئے یا ناکارہ بنا دیے گئے ۔ اس علاقے میں 2 افراد ہلاک اور 6 زخمی ہو ئے۔
دوسری جانب یوکرین کی فضائیہ نے 20 ستمبر کو اطلاع دی کہ مقامی وقت کے مطابق 19 ستمبر شام 6 بجے کے بعد روسی فورسز نے 138 ڈرونز داغے۔ ابتدائی اعداد و شمار کے مطابق، 20 ستمبر صبح 8 بجے تک یوکرین کے فضائی دفاعی دستے نے 101 روسی ڈرون مار گرائے یا انہیں ناکارہ بنایا ۔