ڈاکٹر شوکت علی کی فلسطینیوں پر مظالم کی مذمت،عالمی عدالت میں اسرائیل کا احتساب کیا جائے

لندن(نیوزڈیسک) پاکستان مسلم لیگ (ق) اوورسیز برطانیہ کے صدر ڈاکٹر شوکت نے فلسطینی بھائیوں سے اظہار یکجہتی کرتے ہوئے کہا ہے کہ اسرائیل فلسطینیوں کی کا جو قتل عام کر رہا ہے اگر ہمارے مسلم حکمرانوں نے عملی طور پر کچھ نہ کیا تو ہم سب اس کے ذمہ دار ہوں گے،ممکن ہے اللہ بھی ہمیں معاف نہ کرے ۔
میڈیا سے گفتگو کرتے ہوئے ڈاکٹر شوکت نے کہا کہ جہادبحثیت مسلمان ہم سب پر فرض ہے جس کا اختیار حکومت وحکمرانوں کے پاس ہوتا ہے ۔
انہوں نے کہا کہ جس طرح اسرائیل نے جنگ میں بچوں ،بوڑھوں ، عورتوں سمیت ہسپتالوں ، سکولز،دوسری انسانی بھلائی کے دفاتر پر غیر انسانی بربریت کا مرتکب ہوا میں ذاتی طور پر اس کی سختی سے مذمت کرتا ہوں اور میرے ساتھ میرے قائد چودھری شجاعت حسین کا بھی یہی موقف ہے اور اس کے ساتھ ساتھ دنیا بھر میں درد دل رکھنے والے عوام کی بھی یہی سوچ ہے اور اس طرح اسرائیل جنگی جرائم کی صف میں شامل ہے اور اس کاعالمی عدالت میں احتساب کیا جائے۔