بالی وڈ سپر سٹار امیتابھ بچن نے انکشاف کیا ہے کہ بی ایس سی کی ڈگری لینے تک ان کو یہ علم نہیں تھا کہ بی ایس سی کا مطلب کیا ہے۔
بھارتی میڈیا رپورٹ کے مطابق ریئلٹی ٹی وی شو کون بنے گا کروڑ پتی سیزن 16 کی ایک قسط میں انہوں نے مقابلے میں حصہ لینے والے ایک بینکر سے ریاضی کا ایک سوال پوچھا۔
اس دوران امیتاتھ بچن نے اپنے کالج کے دنوں کو یاد کرتے ہوئے انکشاف کیا کہ بی ایس سی کرلینے تک انہیں یہ علم نہیں تھا کہ بی ایس سی کس کا مخفف ہے۔ انہوں نے بتایا کہ ریاضی ان کے لئے ایک مشکل مضمون تھا ۔ انہوں نے کہا کہ یہ سن کر کہ سائنس کا سکوپ زیادہ ہے انہوں نے بی ایس سی میں داخلہ لیا لیکن پہلی مرتبہ فیل ہو گئے اور دوبارہ بڑی محنت سے تیاری کر کے امتحان دیا تو ان کے 42 فیصد نمبر آئے ۔انہو ں نے کہا کہ دوران تعلیم انہیں سائنس کی کبھی سمجھ نہیں آئی ۔
