چینی صدرکی مایا سانڈو کو مالدووا کی صدر کے طور پر دوبارہ منتخب ہونے پر مبارکباد

بیجنگ:چین کے صدر شی جن پھنگ نے مایا سانڈو کو جمہوریہ مالدووا کا دوبارہ صدر منتخب ہونے پر مبارکباد کا پیغام بھیجا ۔ شی جن پھنگ نے اپنے پیغام میں کہا کہ چین اور مالڈووا روایتی دوستانہ شراکت دار ہیں۔ حالیہ برسوں میں، دونوں ممالک کے درمیان تعلقات مستحکم ترقی کو برقرار رکھے ہوئے ہیں، اور “بیلٹ اینڈ روڈ” کی مشترکہ تعمیر میں تعاون کامیابی سے آگے بڑھ رہا ہے۔انہوں نے کہا کہ وہ چین اور جمہوریہ مالڈووا کے تعلقات کی ترقی کو بہت اہمیت دیتے ہیں اور دونوں ممالک کے درمیان مستحکم اور طویل مدتی تعلقات کی رہنمائی کے لیے مالدووا کی صدر کے ساتھ کام کرنے کے لیے تیار ہیں ۔