شام، اسرائیلی دفاعی افواج نے ایک بیان جاری کیا جس میں کہا گیا کہ اس دن کے اوائل میں، اسرائیلی جنگی طیاروں نے فلسطین کی اسلامی مزاحمتی تحریک (حماس) کے مسلح اہلکاروں کا مقابلہ کرنے کے لیے جنوبی غزہ میں خان یونس کے ہیومینی ٹیرین سکیورٹی زون پر فضائی حملے کیے۔ اس کے علاوہ، اسرائیلی فوج نے کہا کہ اس نے وسطی غزہ میں دیر البیرہ میں فلسطینی اسلامی جہاد (جہاد) کے مسلح اہلکاروں کا مقابلہ کرنے کے لئے اس علاقے کے ہیومینی ٹیرین سکیورٹی زون پر بھی حملہ کیا۔
گزشتہ روز اسرائیلی فوج نے غزہ میں کئی مقامات پر فضائی حملے کیے جن میں 14 افراد شہید ہو چکے ہیں۔
شمالی غزہ کی پٹی میں اسرائیلی فوج نے جبالیہ کے علاقے اور غزہ شہر میں شجاعہ سمیت متعدد بستیوں کے شہریوں پر فضائی حملے کیے، جس کے نتیجے میں 5 افراد شہید اور متعدد زخمی ہوئے۔ اسرائیلی فوج نے جبالیہ پناہ گزین کیمپ میں درجنوں مکانات کو بھی نذر آتش کر دیا۔
وسطی غزہ کی پٹی میں اسرائیلی فوج نے نصرت پناہ گزین کیمپ میں ایک مکان اور مصدر کے علاقے پر حملہ کیا جس کے نتیجے میں پانچ افراد شہید اور متعدد زخمی ہوئے۔ جنوبی غزہ کی پٹی میں اسرائیلی فوج نے خان یونس کے شمال مغرب میں ایک سابق پولیس اسٹیشن پر ڈرون حملہ کیا ، جس میں چار افراد شہید اور متعدد زخمی ہوئے۔
