اسلام آباد:بھارت اور پاکستان برصغیر پاک و ہند کو ہیرو شیما بننے سے روکیں دونوں ملکوں نے عالمی برادری کے تعاون سےفوری مسئلہ کشمیر کاپائیدار حل نہ نکالا تو خطے میں ایٹمی جنگ کے خطرات کو روکنا مشکل ہو گا ۔ان خیالات کا اظہار جموں کشمیر لبریشن فرنٹ کے سینئر رہنما سلیم بٹ نے پاک بھارت جنگ بندی کے بعد بھارتی سیاست دانوں اور میڈیا کے تلخ و ترش لہجے اور تبصروں پر اظہار خیال کرتے ہو ئے کیا ۔
انہوں نے پریس کے نمائندوں کو مسئلہ کشمیر کے پر امن حل پر بریفنگ دیتے ہوے کہا کہ جموں کشمیر کا مسئلہ ایک بین الاقوامی تسلیم شدہ مسئلہ ہے اور عالمی برادری اسے کسی بھی لمحے اپنی توجہ کا مرکز بنا سکتی ہے۔
انہوں نے کہا جموں کشمیر کی سر زمین ایک سیز فائر لاین کے زریعے تقسیم ہے جس کے فوری ختم ہونے اور کشمیر کے لوگوں کو أزادانہ طور پر آپس میں ملنے سے کشمیریوں کے 78 سال سے ٹوٹے ہوئے رشتے بحال ہو سکتے ہیں ۔
سلیم بٹ نے کہا مسلہ کشمیر کا حل دونوں ملکوں اور کشمیریوں کے مابین مرحلہ وار مزاکرات اور عملی اقدامات کے زریعے حل ہونے کے امقانات موجود ہیں ۔
انہوں نے کہا اگر مسئلہ کشمیر کے پر امن اور پائیدار حل جو بھارت پاکستان اور جموں کشمیر کے لوگوں کے مفاد میں ہو پر بھارت پاکستان اور عالمی برادری نے توجہ نہ دی تو دونوں ایٹمی ملکوں کے مابین ایک خطرناک جنگ چھڑ سکتی ہے جو دنیا کے لیے ایک بڑا خطرہ ہے ۔
فرنٹ کے رہنما نے کہا کہ ہم ایک آزاد میڈیا کی وساطت سے عالمی برادری سے اپیل کرتے ہیں کہ پاک بھارت جنگ بندی کے بعد مسلہ کشمیر جنوبی ایشیا میں ایک ایٹمی خطرے کا سائرن ہے اور اس کے ابرومندانہ مندانہ حل پر فوری عالمی توجہ کی ضرورت ہے۔
