چین کا کینیڈا سے تجارتی معاملے کو سیاسی رنگ دینے سے گریز کا مطالبہ

بیجنگ:چین کی وزارت تجارت کے ترجمان نے کینیڈین حکومت کی جانب سے کینیڈا میں چینی کمپنی ہک ویژن کے کاروبار کی حالیہ بندش کے بارے میں صحافی کے سوال کے جواب میں کہا کہ کینیڈا کی حکومت نے “قومی سلامتی” کے بہانے کینیڈا میں چینی کمپنی ہک ویژن کے کاروبار کو زبردستی بند کردیا اور کینیڈا کے سرکاری محکموں کو ہک ویژن کی مصنوعات خریدنے یا استعمال کرنے سے روک دیا۔ چین اس کی شدید مذمت اور سختی سے مخالفت کرتا ہے۔ترجمان کا کہنا تھا کہ کینیڈا کا نام نہاد “قومی سلامتی کے جائزے” کا عمل شفاف نہیں ہے اور اس کا نتیجہ غیر یقینی ہے۔ کینیڈا کا یہ عمل قومی سلامتی کے تصور کا غلط استعمال کرتا ہے، جو نہ صرف چینی کمپنیوں کے جائز حقوق اور مفادات کو نقصان پہنچاتا ہے، دونوں ممالک کے کاروباری اداروں کے اعتماد کو متاثر کرتا ہے، بلکہ چین اور کینیڈا کے درمیان معمول کے اقتصادی اور تجارتی تعاون کو بھی متاثر اور کمزور کرتا ہے. چین چینی کاروباری اداروں کے جائز اور قانونی حقوق و مفادات کے تحفظ کے لئے مضبوطی سے ضروری اقدامات کرے گا۔