چینی صدر کا گومن دانگ پارٹی کی نومنتخب چیئرپرسن کے نام مبارکباد کا  پیغام

بیجنگ : کمیونسٹ پارٹی آف چائنا کی مرکزی کمیٹی کے جنرل سیکریٹری اور چینی صدر شی جن پھنگ نے  زنگ لی ون کو گومن دانگ پارٹی کی چیئرپرسن منتخب ہونے پر مبارکباد کا پیغام  دیا۔انہوں نے نشاندہی کی کہ کئی برسوں سے دونوں جماعتوں نے "1992کے اتفاق رائے” پر قائم رہنے اور "تائیوان کی علیحدگی” کی مخالفت جیسی مشترکہ سیاسی بنیادوں پر دونوں کناروں کے درمیان  تبادلے اور تعاون کو فروغ دیا،آبنائے تائیوان  میں امن و استحکام کو برقرار رکھنے کے لیے کام کیا، دونوں کناروں کے بھائی چارے اور فلاح و بہبود کو بڑھایا، جس کے مثبت نتائج برآمد ہوئے ۔انہوں نے کہا کہ چینی قوم کی عظیم نشاۃ ثانیہ کو کوئی روک نہیں سکتا۔ امید ہے کہ  دونوں جماعتیں مشترکہ سیاسی بنیادوں پر قائم رہیں گی، تبادلے اور تعاون کو گہرا کریں گی، مشترکہ ترقی کو فروغ دیں گی، قومی وحدت کو آگے بڑھائیں گی، چینی قوم کے مشترکہ گھر کی حفاظت کے لیے مضبوط رہیں گی، دونوں کناروں کے ہم وطنوں کے بنیادی مفادات کی حفاظت کریں گی اور مل کر چینی قوم کے بہتر مستقبل کی راہ ہموار کریں گی۔اسی روز، گومن دانگ پارٹی کی نو منتخب   چیئرپرسن زنگ لی ون نے شی جن پھنگ کےتہنیتی  پیغام کا جواب دیا اور ان کا شکریہ ادا کیا۔ انہوں نے کہا کہ دونوں کنارے ایک ہی آباؤ اجداد  کی نسل اور ایک ہی قوم کا حصہ ہیں، دونوں جماعتوں کو موجودہ بنیاد پر دونوں کناروں کے تبادلے اور تعاون کو مضبوط کرنا چاہیے، آبنائے تائیوان میں امن و استحکام کو فروغ دینا چاہیے، دونوں کناروں کے عوام کے لیے زیادہ سے زیادہ فلاح و بہبود فراہم کرنی چاہیے اور قوم کی نشاۃثانیہ کے لیے عظیم سمت ہموار کرنی چاہیے۔