چین کی سالانہ بجلی کی کھپت پہلی بار 10 ٹریلین کلو واٹ گھنٹے سے تجاوز کر گئی

بیجنگ :نیشنل انرجی ایڈمنسٹریشن کے تازہ ترین اعداد و شمار کے مطابق، چین کی کل بجلی کی کھپت 2025 میں پہلی بار 10 ٹریلین کلو واٹ گھنٹے سے تجاوز کر گئی ہے ۔ یہ نہ صرف امریکہ کی سالانہ بجلی کی کھپت سے دو گنا زیادہ ہے، بلکہ یورپی یونین، روس، بھارت اور جاپان سمیت چار معیشتوں کی مشترکہ سالانہ بجلی کی کھپت سے بھی زیادہ ہے۔اعداد و شمار بتاتے ہیں کہ 2025 میں، بجلی کی کل کھپت 10.3682 ٹریلین کلو واٹ گھنٹے تک پہنچی ، جو کہ سال بہ سال 5.0 فیصد کا اضافہ ہے۔چین سالانہ 10 ٹریلین کلو واٹ گھنٹے سے زیادہ بجلی استعمال کرنے والا دنیا کا پہلا ملک بن گیا ہے۔ یہ تعداد لوگوں کی معاشی زندگی اور گرین ٹرانسفارمیشن سے مربوط ہے، جو اعلیٰ معیار کی ترقی کے لیے ایک اہم معاون ہے۔2025 تک، چین نے صاف اور کم کاربن پاور جنریشن سسٹم کی تشکیل سے ، ایک موثر اور باہم منسلک پاور ٹرانسمیشن نیٹ ورک تعمیر کیا ہے اور ایک لچکدار اور ذہین ترسیل کے طریقہ کار کو بہتر بنا کر مستحکم اور قابل اعتماد بجلی کی فراہمی حاصل کی ہے ۔ معاشرے میں بجلی کی کل کھپت میں ، ہر تین کلو واٹ گھنٹے میں ایک سبز توانائی کا ہے۔