جاپان میں عوامی احتجاج، آئین میں ترمیم اور عسکری توسیع کے خلاف آواز بلند

ٹوکیو:جاپان میں عوامی حلقوں نے حکومت کی جانب سے آئین میں ترمیم اور فوجی طاقت میں اضافے کے اقدامات کے خلاف احتجاج کیا ہے۔ مقامی وقت کے مطابق دارالحکومت ٹوکیو کے علاقے ایکیبوکورو میں شہریوں نے ایک احتجاجی اجتماع منعقد کیا، جس میں بڑی تعداد میں افراد نے شرکت کی۔مظاہرین نے "جنگ کے خلاف” اور "آئین میں ترمیم کے خلاف” نعرے لگاتے ہوئے کہا کہ وہ جاپان کے امن پسند آئین کو تبدیل کرنے کی کسی بھی کوشش کو مسترد کرتے ہیں۔ شرکاء کا کہنا تھا کہ آئین کو غلط سمت میں تبدیل کرنا ملک اور خطے کے لیے خطرناک ہو سکتا ہے۔مظاہرین نے کہا کہ سانائے تاکائیچی کے بیانات اور اقدامات تشویشناک ہیں، اور جاپان کا غیر فوجی رہنا ہی امن کی ضمانت ہے۔ انہوں نے اس خیال کو متضاد قرار دیا کہ امن کے لیے ہتھیار رکھنا ضروری ہے۔مظاہرین نے مزید کہا کہ جاپان کو ماضی کی جنگی غلطیوں کو نہ دہرانے کے عہد پر قائم رہنا چاہیے اور آئین میں کسی بھی تبدیلی سے گریز کرنا چاہیے۔اس موقع پر جاپان کی اپوزیشن جماعتوں کی شخصیات نے بھی خطاب کیا اور آئینی ترمیم اور عسکری پالیسیوں پر اپنے تحفظات کا اظہار کیا۔