چین کا داخلی طلب بڑھانے کی حکمت عملی کو مضبوطی سے نافذ کر نے کا اعلان

بیجنگ :چھٹی چائنا انٹرنیشنل کنزیومر پراڈکٹس ایکسپو اور 2026 "شاپنگ ان چائنا” انٹرنیشنل کنزمپشن سیزن کی افتتاحی تقریب چین کے صوبہ ہائی نان کےشہر ہائی کھو میں منعقد ہوئی۔ کمیونسٹ پارٹی آف چائنا کی مرکزی کمیٹی کے پولیٹیکل بیورو کے رکن اور چین کے نائب وزیر اعظم حہ لی فنگ نے تقریب میں شرکت کی اور خطاب کیا۔منگل کے روز حہ لی فنگ نے اس بات کی نشاندہی کی کہ چائنا انٹرنیشنل کنزیومر پراڈکٹس ایکسپو ہائی نان فری ٹریڈ پورٹ کی تعمیر میں ایک خوبصورت شناخت بن چکی ہے اور یہ چین اور دنیا کے درمیان مارکیٹ کے مواقع بانٹنے کا ایک اہم پلیٹ فارم بھی بن گیا ہے۔ حہ لی فنگ نے کہا کہ چین داخلی طلب بڑھانے کی حکمت عملی کو مضبوطی سے نافذ کرے گا، سائنسی و تکنیکی جدت کے ذریعے صنعتی ترقی کو آگے بڑھائے گا، اعلیٰ معیار کی ترقی کو فروغ دے گا اور اعلیٰ سطح کی کھلی مارکیٹ کو وسیع کرے گا۔ اس کے ساتھ ساتھ مارکیٹ کی صلاحیت اور صارفین کی سرگرمی کو مسلسل فروغ دیا جائے گا تاکہ چینی طرز کی نئی ترقی کے ذریعے عالمی معیشت کو مزید استحکام اور نئی توانائی فراہم کی جا سکے۔ انہوں نے تمام ممالک کی کمپنیوں کو دعوت دی کہ وہ چائنا انٹرنیشنل کنزیومر پراڈکٹس ایکسپو جیسے پلیٹ فارمز کا بھرپور فائدہ اٹھائیں، "شاپنگ ان چائنا” سرگرمی میں فعال طور پر حصہ لیں، چین کی مارکیٹ میں اپنی موجودگی کو مزید مستحکم کریں اور چین کی ترقی کے مواقع سے فائدہ اٹھائیں۔ تقریب کے بعد، حہ لی فنگ نے چین۔کینیڈا اقتصادی و مالیاتی اسٹریٹجک مکالمے میں کینیڈا کی جانب سے شریک سربراہ اور کینیڈا کے وزیرِ بین الاقوامی تجارت منندر سدھو سے بھی ملاقات کی ۔