پی ایس ایل ایلیمینیٹر: دو مرتبہ کی فاتح اسلام آباد کو نو آموز حیدرآباد کا چیلنج درپیش

پاکستان سپر لیگ (پی ایس ایل) کے گیارہویں ایڈیشن کا دوسرا ایلیمینیٹر آج کھیلا جائے گا۔

مارنس لبوشین کی قیادت میں حیدرآباد کنگزمین اور شاداب خان کی قیادت میں اسلام آباد یونائیٹڈ کی ٹیمیں فائنل میں رسائی کے لیے جان لڑائیں گی۔

دو مرتبہ کی چیمپئن اسلام آباد یونائیٹڈ تیسری مرتبہ چیمپئن بن کر لاہور قلندرز کا ریکارڈ برابر کرنے کے لیے بے چین ہے۔

دوسری جانب پہلی مرتبہ پی ایس ایل کا حصہ بننے والی حیدرآباد کنگزمین اپنا پہلا ٹائٹل جیتنے سے صرف دو فتح کی دوری پر ہے۔

آج کی فاتح ٹیم کو 3 مئی کو فائنل میں پشاور زلمی کے خلاف میدان میں اترنا ہوگا۔