چین کی بیرونی تجارت میں مضبوط اضافہ

بیجنگ :چین کے محکمہ کسٹمز کے جاری کردہ اعداد و شمار کے مطابق اپریل میں چین کا تجارتی درآمدات و برآمدات کا مجموعی حجم 4.38 ٹریلین یوآن رہا، جو سال بہ سال 14.2 فیصد کا ضافہ ہے۔ برآمدات 2.48 ٹریلین یوآن رہیں، جن میں 9.8 فیصد اضافہ ہوا، جبکہ درآمدات 1.9 ٹریلین یوآن تک پہنچ گئیں، جو 20.6 فیصد اضافے کو ظاہر کرتی ہیں۔رواں سال کے ابتدائی چار ماہ میں چین کی مجموعی درآمدات و برآمدات 16.23 ٹریلین یوآن رہیں، جو سالانہ بنیاد پر 14.9 فیصد اضافے کے ساتھ مستحکم ترقی کے رجحان کو ظاہر کرتی ہیں۔ اس عرصے میں برآمدات 9.33 ٹریلین یوآن رہیں، جن میں 11.3 فیصد اضافہ ہوا، جبکہ درآمدات 6.9 ٹریلین یوآن تک پہنچ گئیں، جو 20 فیصد اضافے کی عکاسی کرتی ہیں۔چین کے نجی اداروں کی درآمدات و برآمدات 9.31 ٹریلین یوآن رہیں، جو 15.9 فیصد اضافے کے ساتھ چین کی مجموعی بیرونی تجارت کا 57.4 فیصد بنتی ہیں۔پہلے چار ماہ میں، چین کی مکینیکل اور الیکٹرانک مصنوعات کی برآمدات 5.92 ٹریلین یوآن تک پہنچ گئیں، جن میں 17.6 فیصد اضافہ ہوا۔ یہ مجموعی برآمدات کا 63.5 فیصد حصہ ہیں، جو گزشتہ سال کی اسی مدت کے مقابلے میں 3.4 فیصد پوائنٹس زیادہ ہے۔ ان میں برقی گاڑیوں، لیتھیم بیٹریوں اور ہوا سے بجلی پیدا کرنے والے جنریٹر یونٹس جیسی کم کاربن مصنوعات کی برآمدات میں بالترتیب 68.1 فیصد، 43.2 فیصد اور 40.7 فیصد اضافہ ہوا ، جبکہ صنعتی روبوٹس کی برآمدات میں 30 فیصد کا اضافہ ریکارڈ کیا گیا۔
*************