چین میں داخلے پر پابندی کے باوجود امریکی وزیر خارجہ مارکو روبیو بیجنگ کیسے پہنچے؟

اسلام آباد (نیوز ڈ یسک) مارکو روبیو امریکی صدر ڈونلڈ ٹرمپ کے ہمراہ چین پہنچ گئے ہیں، حالانکہ وہ اب بھی چین کی پابندیوں کی فہرست میں شامل ہیں۔

چینی حکام نے ایک منفرد سفارتی حکمتِ عملی اختیار کرتے ہوئے ان کے دورے کی راہ ہموار کی۔برطانوی اخبار دی گارجین کے مطابق مارکو روبیو امریکی تاریخ کے پہلے وزیرِ خارجہ بن گئے ہیں جو چینی پابندیوں کے باوجود سرکاری سطح پر چین کا دورہ کر رہے ہیں۔رپورٹ کے مطابق چینی حکام نے روبیو کے نام کے چینی ہجے میں معمولی تبدیلی کی۔ پہلے ان کا نام چینی زبان میں “Lú bǐ ào” لکھا جاتا تھا، تاہم اب سرکاری دستاویزات اور میڈیا میں اسے “Lǔ bǐ ào” تحریر کیا جا رہا ہے۔ اگرچہ دونوں ناموں کا تلفظ تقریباً یکساں ہے،

لیکن تحریری تبدیلی نے قانونی اور سفارتی رکاوٹ دور کرنے میں اہم کردار ادا کیا۔چینی سفارت خانے کے ترجمان لیو پینگیو نے وضاحت کرتے ہوئے کہا کہ مارکو روبیو پر عائد پابندیاں ان کے ماضی کے ان بیانات اور اقدامات کی وجہ سے تھیں جو انہوں نے بطور امریکی سینیٹر چین کے خلاف کیے تھے۔ تاہم چین نے موجودہ دورے کے لیے ان سابقہ معاملات کو رکاوٹ نہ بنانے کا فیصلہ کیا ہے۔

🇺🇸🇨🇳 CHINA CHANGED RUBIO’S NAME TO LET HIM IN?!

Marco Rubio was sanctioned by China years ago after calling out its human rights abuses.

Before he became secretary of state in January 2025, China and its official media began spelling the first part of his last name with a… https://t.co/muqbBtD0uH pic.twitter.com/7pLpdMnLaR

— NewsForce (@Newsforce) May 13, 2026