چین کی مستحکم معاشی ترقی کا رجحان برقرار

بیجنگ : چین کے قومی ادارہ شماریات کے ترجمان نے چین کی ریاستی کونسل کے دفتر اطلاعات کے زیر اہتمام پریس کانفرنس میں کہا کہ رواں سال جنوری سے اپریل تک چین کی قومی معیشت نے مستحکم ترقی کا رجحان برقرار رکھا ہے۔ جنوری سے اپریل تک، چین میں نامزد سائز سےبالا صنعتی اداروں کی ایڈڈ ویلیو میں سال بہ سال 5.6 فیصد کا اضافہ ہوا۔ سروس سیکٹر کے پیداواری انڈیکس میں سال بہ سال 4.9 فیصد اضافہ دیکھا گیا۔ اشیائے خورد و نوش کی کل ریٹیل سیل 16.4941 ٹریلین یوآن تک پہنچ گئی، جو کہ سال بہ سال 1.9 فیصد کا اضافہ ہے۔ سامان کی درآمدات و برآمدات میں تیز رفتار اضافہ دیکھا گیا اور تجارتی ڈھانچے میں بہتری کا سلسلہ جاری رہا۔ جنوری سے اپریل تک، سامان کی درآمدات و برآمدات کی کل مالیت 16.2252 ٹریلین یوآن تک پہنچ گئی، جو کہ سال بہ سال 14.9 فیصد کا اضافہ ہے۔