چین میں پاکستانی سفیر سمیت 8 شخصیات کو ’’تمغہ برائے شاندار سفیر‘‘سے نوازا گیا

بیجنگ : بیجنگ میں”تمغہ برائے شاندار سفیر ” کی تقریبِ تقسیم کا انعقاد کیا گیا۔ چین میں پاکستان کے سفیر خلیل ہاشمی سمیت آٹھ شخصیات کو اس ایوارڈ سے نوازا گیا، تاکہ چین اور دیگر ممالک کے درمیان دوستی اور تعاون کے فروغ میں ان کی نمایاں خدمات کو سراہا جائے۔ یہ ایوارڈ حاصل کرنے والوں میں چین میں پاکستان، قازقستان، سعودی عرب اور کولمبیا کے موجودہ سفراء کے علاوہ روس، کمبوڈیا، چاڈ اور یوراگوئے کے سابق سفیر بھی شامل ہیں۔