چین میں رواں سال کے ابتدائی چار ماہ میں 287.69 بلین یوان کی غیر ملکی سرمایہ کاری

بیجنگ :چین کی وزارتِ تجارت کے مطابق 2026 کے جنوری سے اپریل تک ملک بھر میں غیر ملکی سرمایہ کاری سے قائم ہونے والے 20 ہزار 113 نئے ادارے رجسٹر کیے گئے، جو گزشتہ سال کے اسی مدت کے مقابلے میں 6.8 فیصد زیادہ ہیں۔اسی عرصے کے دوران غیر ملکی سرمائے کے حقیقی استعمال کا حجم 287.69 بلین یوان رہا، جو سالانہ بنیاد پر 10.3 فیصد کمی کو ظاہر کرتا ہے۔گزشتہ تین برسوں کے دوران چین میں موجود غیر ملکی سرمایہ کار کمپنیوں کی تعداد مسلسل بڑھتی رہی ہے، جو اب 5 لاکھ 30 ہزار سے تجاوز کر چکی ہے، جبکہ مجموعی غیر ملکی سرمایہ کاری کا حجم 3.6 ٹریلین امریکی ڈالر سے زیادہ ہو گیا ہے۔زیادہ تر غیر ملکی کمپنیاں چین میں اپنی موجودگی مزید مضبوط بنانے اور سرمایہ کاری بڑھانے کا انتخاب کر رہی ہیں۔ 2025 میں 8 ہزار سے زائد غیر ملکی کمپنیوں نے چین میں اپنی سرمایہ کاری میں اضافہ کیا، جو گزشتہ سال کے مقابلے میں 10 فیصد سے زیادہ اضافہ ہے۔اسی طرح 2026 کے ابتدائی چار ماہ کے دوران 3 ہزار سے زائد غیر ملکی کمپنیوں نے چین میں مزید سرمایہ کاری کی ہے۔