انٹرنیشنل کانگریس آف بیسک سائنس   2026 کا  بیجنگ میں افتتاح 

بیجنگ:بیجنگ میں انٹرنیشنل کانگریس آف بیسک سائنس   2026  کا افتتاح ہوا، جس کا موضوع “بنیادی سائنس پر توجہ، انسانی مستقبل کی رہنمائی” ہے۔ اس کانگریس میں ایک ہزار سے زائد چینی اور غیر ملکی سائنسدان، محققین اور نوجوان طلبا شریک ہیں۔ دو ہفتوں پر محیط کانگریس کے دوران، 500 سے زائد علمی اجلاس منعقد ہوں گے، جن کا تعلق بنیادی علوم کی تمام شاخوں اور بین الضابطہ جہتوں سے ہوگا، ساتھ ہی جنریٹو بڑے ماڈلز کی استدلالی صلاحیتوں، کمپیوٹر وژن، انسان-کمپیوٹر تعامل، کوانٹم انفارمیشن وغیرہ جیسے جدید ترین موضوعات کا احاطہ  بھی کیا جائے گا۔ بین الاقوامی سطح کے متعدد سرفہرست سائنسدان بنیادی سائنس کی رپورٹس اور جدید سائنس ایوارڈ رپورٹس پر  کلیدی خطابات پیش کریں گے، مختلف شعبوں میں تازہ ترین انقلابی کامیابیوں کو شیئر کریں گے، اور بین الضابطہ ہم آہنگ جدت کو فروغ دیں گے۔اعلیٰ سطحی علمی تبادلوں کو فروغ دینے کے ساتھ ساتھ،  یہ کانگریس نوجوانوں کی  سائنسی صلاحیتوں کی پرورش کے ماحولیاتی نظام کو مسلسل بہتر بناتی  ہے، اور خصوصی  متنوع  موضوعاتی سرگرمیوں کا انعقاد کرتی ہے۔یہ کانگریس چوتھی بار بیجنگ میں منعقد کی جا رہی ہے ، جس کے میزبان بیجنگ میونسپل گورنمنٹ، وزارت سائنس و ٹیکنالوجی، چائنیز ایسوسی ایشن فار سائنس اینڈ ٹیکنالوجی اور ورلڈ فیڈریشن آف چائنیز میتھمیٹیشینز ہیں۔اس وقت ، چین میں بنیادی تحقیق کے لیے حمایت کی سطح غیر معمولی ہے، جس میں سرمایہ کاری، پالیسی تحفظات، ٹیلنٹ کی تربیت اور کشش، نیز سائنسی تحقیقی پلیٹ فارمز کی تعمیر کا جامع انتظام شامل ہے۔