امریکہ جلد از جلد کیوبا پر پابندیاں ختم کرے ،چین کی وزارت خارجہ

بیجنگ:امریکہ نے حال ہی میں دوبارہ چین، روس اور کیوبا کے فوجی تعاون کو بہانہ بنا کر کیوبا کی مزید کمپنیوں اور افراد پر پابندیاں عائد کی ہیں۔اس حوالے سے چین کی وزارت خارجہ کے ترجمان گو جیاکھون نے دس اگست کو ایک صحافی کے سوال کا جواب دیتے ہوئے کہا کہ چین کی طرف سے کئی بار اس معاملے پر چین کا موقف واضح کیا جا چکا ہے۔ ہم امریکہ پر زور دیتے ہیں کہ وہ جلد از جلد کیوبا پر عائد پابندیاں ختم کرے اور بار بار دوسروں پر بے بنیاد الزامات لگانا بھی بند کرے۔ چین اور کیوبا کا تعاون شفاف اور قانونی ہے، اور چین قومی خودمختاری کے تحفظ اور بیرونی مداخلت کی مخالفت میں کیوبا کی حمایت جاری رکھے گا۔