بیجنگ:چائنا مینڈ اسپیس انجینئرنگ آفس کے مطابق، بیجنگ وقت کے مطابق 28 اگست کو سہ پہر ایک بج کر 59 منٹ پر، تقریباً ساڑھے پانچ گھنٹے کی خلائی کیبن سے باہر سرگرمی کے بعد شینزو-23 کے خلابازوں نے خلائی اسٹیشن کے روبوٹک بازو اور زمینی محققین کے تعاون سے سولر وِنگ کی خلائی کیبن سے باہر مرمت اور خلائی ملبے سے بچاؤ کے آلات کی تنصیب سمیت مختلف کام کامیابی سے مکمل کیے۔خلائی کیبن سے باہر جانے والے دونوں چینی خلاباز چو یانگ چو اور زانگ چی یوان بحفاظت تھیان حہ کور ماڈیول میں واپس آگئے ہیں۔ خلاباز چو یانگ چو نے تقریباً تین سال بعد دوبارہ خلا میں قدم رکھا، جبکہ خلاباز زانگ چی یوان نے پہلی مرتبہ کیبن سے باہر سرگرمی میں حصہ لیا۔
اطلاع کے مطابق، یہ دوسرا موقع ہے جب چینی خلابازوں نے خلا میں سولر پینلز کی مرمت کی ہے، جس سے خلائی اسٹیشن کی بجلی کی فراہمی کے تحفظ اور استحکام کو مؤثر طور پر یقینی بنایا گیا ہے۔ اس وقت تینوں خلاباز تین ماہ سے زائد عرصے سے خلائی مدار میں کام کر رہے ہیں۔ آئندہ مرحلے میں چینی خلاباز مقررہ منصوبے کے مطابق متعلقہ سائنسی تجربات، تکنیکی ٹیسٹ، پے لوڈز کی کیبن کے اندر منتقلی اور کیبن سے باہر منتقلی سمیت سائنس کی تعلیم سے متعلق سرگرمیاں انجام دیں گے۔
